✍️- सुरेश लोप्चन
बिक्रम सम्बत २०६८ सालको चिसो फागुन ८ गते, ओखलढुंगाको चिसङ्खु गढी वडा नं. ६ को एक सानो गाउँमा जन्मिन्छन् एक अनमोल स्वरका धनी बालक—राजेश परियार। बाबु झनकबहादुर परियार र आमा रन्जु परियारका कोखबाट जन्मिएका राजेश, गरीबीमा हुर्किए पनि सपना कहिल्यै साना थिएनन्।
बाल्यकाल र सङ्घर्ष:
३ वर्षको नानी यात्राले उनलाई धनकुटाको हिलेसम्म पुर्याउँछ, जहाँ उनी गाउँकै सरकारी स्कुलमा पढ्न थाल्छन्। सँगै सुरु हुन्छ स्वरको यात्रा—६ वर्षको उमेरमै स्कुलका अतिरिक्त क्रियाकलापहरूमा भाग लिँदै, प्रतियोगिता जित्दै, आफ्नो आवाजले सबैलाई मन्त्रमुग्ध पार्दै।
त्यो सानो बालकलाई कसले सोचेको थियो—कुनै दिन देशभरि छाउनेछ भनेर?
सपना ठूलो, बाटो साँघुरो:
अझ राम्रो पढाइको लागि कक्षा ४ मा सुनसरीको बराहक्षेत्र–२ चतरास्थित Himalayan English Boarding School मा भर्ना हुन्छन्। त्यहींबाट शुरु हुन्छ सपना र सङ्घर्षको युद्ध। नयाँ शहर, नयाँ मान्छे, तर एउटै सपना—संगीतमा संसार जित्ने।
स्वरको पहिलो चमत्कार – Voice of Kids:
२०७९ साल। काठमाडौंको रंगमञ्चमा देशकै ठूला प्रतिभा जम्मा भएका थिए—Voice of Kids Nepal Season 2 मा। तीमध्ये एक थिए – सानो गाउँबाट ठुलो सपना बोकेर राजधानी छिर्दै गरेका राजेश। उनका गीतले निर्णायक र दर्शक दुवैको आँखा रसाउँछ।
तर, सबै सपना सजिलै पुरा हुँदैनन्—भोटिङ राउन्डमा आउट।
तर राजेश रोकिएनन्। उनी भन्छन्—
“हार भनेको अन्त्य होइन, नयाँ सुरुवात हो।” बिचमा केही समय गुमनाम हुन्छन् राजेश तर अविचलित अगाडि बढ्ने अठोट लिएर फेरि इन्द्रेणीमा गीत गाउन भनेर राजधानी छिर्छन् र इन्द्रेणी कार्यक्रममा सहभागी भै गीत गाएर सबैलाई चकित पार्छन् र सबैको माया पाउन सफल हुन्छन् र अगाडि बढ्ने साहस लिन्छन्!
त्यसपश्चात्, Sa Re Ga Ma Pa Little Champs मा पनि भाग लिन्छन्। अडिसन चलिरहेको भए पनि उनी फेरि नयाँ ऊर्जा, आत्मबल र धुनका साथ प्रस्तुत भइरहेका छन्।
नयाँ पाटो – लोकदोहोरीमा उदाउने तारा:
राजेश अब आधुनिक गीत, पुराना पूर्वेली गीत मात्र नभई लोकदोहोरी को दुनियाँमा पनि पाइलो चाल्न थाल्छन्। उनी “ठिटो गाउँको, स्वर राजधानीको” भनेर चिनिन थाल्छन्। अहिले लाईभ दोहोरी तिर जताततै राजेशकै चर्चा भईरहेका छन्!
संक्षेपमा:
एउटा सानो गाउँका बालकले स्वरलाई सम्हाल्दै, सङ्घर्षलाई अँगाल्दै, कला र संस्कृतिको झन्डा बोकेर अगाडि बढेको छ। राजेश परियार – न केवल एक गायक, बरु प्रेरणाका ध्वजवाहक हुन्।
