धादिङ, ०७ माघ ।
दाङसिङ गोर्खापङ (जब्बरे चौर) मा सोनाम ल्होसार २८६१ औँ डुल ल्हो स पुख्री वर्गको अवसरमा बृहत सोनाम ल्होछार साँस्कृतिक कार्यक्रम हुने भएको छ ।
शास्त्र हराए संस्कार हराउँछः संस्कार हराए संस्कृति हराउँछ संस्कृति हराए मानव अस्तित्व नै हराउँछ भन्ने नाराका साथ यहि माघ २६ गते शनिबार सोनाम ल्होसार साँस्कृतिक कार्यक्रम हुने भएको हो ।
कार्यक्रम सिर्जनशिल समाज सुधार युवा क्लब तारकेश्वर गाउँपालिका वडा नं १ दाङसिङ नुवाकोटको आयोजना र तारकेश्वर गाउँपालिकाको मुख्य प्रायोजकमा संचलान हुने छ ।
बागमती प्रदेश सरकारका मुख्यमन्त्री बहादुर सिंह लामाको प्रमुख आतिथ्यता र तारकेश्वर गाउँपालिकाका अध्यक्ष शिव अधिकारी (अविरल)को विशिष्ट आतिथ्यतामा कार्यक्रम गरिने आयोजकले जनाएको छ ।
कार्यक्रममा म्हेन्दोमाया किङ सागर एस वाइबाको साथमा तारकेश्वरका स्थानिय कलाकारहरुको प्रस्तुती रहने आयोजकले जनाएको छ ।