धादिङ ।
सिद्धलेक गाउँपालिका–१ स्थित नलाङ बैरेनीमा रहेको आयाम इङलिस स्कुलले खुला मैत्रीपूर्ण फुटबल प्रतियोगिता सम्पन्न गरेको छ।बिद्यार्थीहरुको चौतर्फि बिकासका निम्ति किताबी ज्ञानसँगै अतिरिक्त क्रियाकलापमा पनि अगाडि बढाउने उद्धेश्यले खुला मैत्रीपूर्ण फुटबल प्रतियोगिता कार्यक्रम आयोजना गरिएको स्कुलकी व्यवस्थापक ममता अर्यालले जानकारी दिनुभयो ।आयाम स्कूलका महिला स्टाफहरुको उद्घाटन खेल अत्यन्त रोमाञ्चक रहेको थियो ।सो प्रतियोगितामा धादिबेशीमा अबस्थित न्यू किबो बोर्डिङ स्कूल,युनाईटेड क्लब कालिदह ,आयाम खेलकूद क्लब र आयाम ईङिलस स्कूल टिमबीच प्रतिस्पर्धा भएको थियो ।कार्यक्रममा विद्यालय सञ्चालक समितिका अध्यक्ष तथा विद्यालयका निर्देशक विकास कोइरालाको बिशेष अतिथ्यता रहेको थियो ।साथै कार्यक्रममा बिद्यालयका प्रद्यानाध्यापक आस बहादुर गुरुङ,बिनोद मगर,अभिभाबक लगायतको अतिथ्यता रहेको थियो ।