धादिङमा माइक्रोबस दुर्घटना हुँदा चालकसहित ११ जना घाइते

धादिङ ।
काठमाडौँबाट गोरखाको मनकामनातर्फ जाँदै गरेको माइक्रोबस धादिङमा दुर्घटना हुँदा चालकसहित ११ जना घाइते भएका छन् ।मनकामना दर्शनका लागि जाँदै गरेको बागमती प्रदेश ०१–०३०–च ७६५९ नम्बरको विद्युतीय माइक्रोबस धादिङको थाक्रे गाउँपालिका–६ स्थित १० किलो भन्ने ठाउँमा दुर्घटनामा परेको हो ।जिल्ला ट्राफिक प्रहरी कार्यालय गजुरीका अनुसार घाइतेमध्ये दुई जनाको अवस्था गम्भीर छ ।घाइते सबैको महादेवबेँसी अस्पतालमा उपचार भइरहेको छ । उनीहरू एउटै परिवारको रहेको बताइएको छ ।