नेपाल विद्यार्थी संघ धादिङद्धारा वृक्षरोपण र भित्तेपात्रो बिमोचन

धादिङ
नेपाल विद्यार्थी संघ जिल्ला कार्यसमिति धादिङले मच्छिन्द्र बहुमुखी क्याम्पसमा वृक्षरोपण, भित्तेपात्रो बिमोचन तथा सम्मान कार्यक्रम गरेको छ ।सोमबार मच्छिन्द्र बहुमुखी क्याम्पस वरिपरि धुपी, एभोकाडो कागती, बेल लगायतका विरुवाहरु वृक्षारोपण गरि भित्तेपात्रो बिमोचन समेत गरिएको थियो ।कार्यक्रममा नेविसंघ धादिङबाट प्रतिनिधित्व गरि स्वबियुमा बिजयी भएका सम्पुर्ण विद्यार्थीहरुलाई सम्मान समेत गरिएको थियो ।नेविसंघ धादिङका अध्यक्ष सुदिप गौलीको अध्यक्षतामा सम्पन्न भएको कार्यक्रममा प्रदेश सभा सदस्य मधु कुमार श्रेष्ठकोे प्रमुख आतिथ्यता रहेको थियो । कार्यक्रममा नेपाली कांग्रेस महासमिति सदस्य जीवनाथ ढकाल, कृष्ण रिजाल, राजन बुर्लाकोटी, नेपाली कांग्रेस बागमती प्रदेश सदस्य सर्मिला कार्की, धुनिबेसी नगरपालिका वडा नम्बर ३ का वडा अध्यक्ष प्रकाश हमाल, ने.वि संघ केन्द्रिय सदस्य, त्रि बि स्वबियु सभापति लगायतको उपस्थिति रहेको थियो ।