धादिङ
त्रिपुरासुन्दरी गाउँपालिकामा ११४ औं अन्तराष्ट्रिय महिला दिवसको अवसरमा वक्तृत्वकला प्रतियोगिता कार्यक्रम सम्पन्न भएको छ ।
आज विहिबार गाउँपालिकाको महिला बालबालिका तथा जेष्ठ नागरिक शाखाको आयोजनामा भएको प्रतियोगितामा राधाकृष्ण आमा समूहकी लक्ष्मी दनै प्रथम हुनुभएको छ । त्यस्तै उन्नती स्वावलम्वी कृषि तथा पशु महिला समूहकी एक कुमारी अधिकारी द्धितीय, प्रगतिशिल महिला समूहकी अन्जना पाण्डे तृतिय, सिद्धश्वर आमा समूहकी निर्मला श्रेष्ठ सान्त्वना हुनुभएको छ ।
“महिलामा लगानी, सभ्य र समुन्नत समाजको थालनी” नारामामा भएको वक्तृत्वकला प्रतियोगितामा प्रथम हुनेलाई नगद रु १० हजार, द्धितीयलाई ८ हजार, तृतीयलाई ६ हजार र सान्त्वना हुनेलाई ४ हजारसहित प्रमाणपत्रद्धारा सम्मान गरिएको महिला बालबालिका तथा जेष्ठ नागरिक शाखाका प्रमुख मिना देवकोटाले जानकारी दिनुभयो। त्रिपुरासुन्दरी गाउँपालिकाका उपाध्यक्ष देवराज धरेलको प्रमुख आतिथ्यतामा भएको प्रतियोगितामा गाउँपालिकाभित्रका ८ वटा आमा तथा महिला समूहहरुले सहभागिता जनाएका थिए ।