क्यान्योनिङ गर्ने क्रममा लडेर एक युवतीको मृत्यु

कास्की,साउन ११
कास्कीको माछापुच्छ्रे गाउँपालिका वडा नं. ९ घलेलमा क्यान्योनिङ गर्ने क्रममा लडेर एक युवतीको मृत्यु भएको छ ।

बुधवार क्यान्योनिङ गर्ने क्रममा लडेर पोखरा २६ बुढीबजारकी २२ वर्षीया अन्जिता भण्डारीको ज्यान गएको कास्कीका प्रहरी प्रवक्ता डीएसपी श्रवणकुमार विकले जानकारी दिनुभयो । क्यान्योनिङ गर्ने क्रममा घाइते भएकी उहाँको पोखराको मणिपाल अस्पतालमा उपचारका क्रममा ज्यान गएको हो ।

घटनाको बारेमा थप अनुसन्धान भइरहेको प्रहरीले जानकारी दिएको छ । प्रहरीले अनुसन्धानका लागि तीन जनालाई पक्राउ गरेको छ ।