नारायणगढ मुग्लिन सडकखण्डमा ट्रक र बस ठोक्किदा ११ जना घाइते

चितवन,साउन ९
नारायणगढ मुग्लिन सडकखण्डमा ट्रक र बस ठोक्किदा ११ जना घाइते भएका छन् ।

आज बिहान साढे ७ बजेतिर भरतपुर महानगरपालिका(२९ चौधकिलो पुल नजिकै नारायणगढबाट मुग्लिङतर्फ जाँदै गरेको रा१८ख २२३६ नम्बरको बस र विपरीत दिशाबाट आँउदै गरेको ना६ख ४९४२ नम्बरको ट्रक ठोक्किएका हुन् ।
घाइतेहरुलाई उपचारका लागि भरतपुरस्थित पुरानो मेडिकल कलेजमा ल्याइएको जिल्ला प्रहरी कार्यालय चितवनका प्रवक्ता डीएसपी विजयराज पण्डितले जानकारी दिनुभएको छ । घाइते सबैको अवस्था सामान्य रहेको पण्डितले बताउनुभयो ।बस चालकको खुट्टा च्यापिएको निकाल्न केही समस्या भएको पण्डितले जानकारी दिनुभयो ।ठोक्किएका दुवै सवारी साधानलाई क्रेनको सहायताले सडक छेउमा राखेर सडक सञ्चालनमा ल्याउने तयारी गरिएको छ ।