नुवाकोट थान्सिङमा एक पुरुष अचेत अवस्थामा भेटिए

नुवाकोट,वैशाख १६ । जिल्लाको लिखु गाउँपालिका वडा नम्बर ६ थान्सिङस्थित वितलबमा एक पुरुष अचेत अवस्थामा भेटिएका छन् ।

अन्दाजी ५५/५६ वर्षीय पुरुष झण्डै २४ घण्टादेखि विहोस अवस्थामा भेटिएको स्थानीयले बताएका छन । कतिपयले मदिरा सेवन गरि बाटोमा लडिरहेको आशंका गरेपनि त्यस्तो नभएको छहरे अस्थायी प्रहरी पोस्टका असई रामबहादुर घिसिङले बताए ।

उनका अनुसार बिहोस भेटिएको ब्यक्ति भारत घर भएका दुर्गा शाह हुन। उनको उपचारार्थ काठमाडौ लैजाने तयारी गरिएको छ ।