सल्यान,चैत २२। सल्यानमा आज बिहान जिप दुर्घटना हुँदा एक जनाको मृत्यु भएको छ ।
शारदा नगरपालिका १ दारिमचौरका १७ वर्षका नारायण ओलीको दुर्घटनामा परेर मृत्यु भएको प्रहरीले जनाएको छ । अर्का एक सामान्य घाइते छन् ।
दारिमचौरबाट श्रीनगरतर्फ जाँदै गरेको भे १ ज ३३६ नम्बरको जिप घुम्तीबाट १५ मिटर तल खसेको थियो ।
दुर्घटनामा गम्भीर घाइते भएका नारायणको उपचारका क्रममा श्रीनगरस्थित अस्पतालमा मृत्यु भएको प्रहरी नायब उपरीक्षक सुमित खड्काले जानकारी दिए । उक्त जीपका चालक २१ वर्षका थलराज ओली हुन् । दुर्घटनामा उनी पनि घाइते छन् ।
प्रतिक्रिया