सिन्धुपाल्चोक,चैत २० । आइतबार साँझ सिन्धुपाल्चोकको बाह्रबिसे नगरपालिका–८ मानेश्वाँरामा खाना पकाउने क्रममा ग्याँस पडकेर आगलागी हुदाँ तीन बालबालिकाको ज्यान गएको छ ।
उक्त वडाका अध्यक्ष सुरज तामाङले लामाटोलका मीनबहादुर तामाङको घरमा ग्याँस पडकेर आगलागी हुदाँ बालबालिकाको मृत्यु भएको जानकारी दिए ।
जलेर मीनबहादुरका १० बर्षका छोरा इशाक तामाङ, भाई कुमार तामाङको ५ बर्षीय छोरा सरगम तामाङ र पदम तामाङकी २ बर्षीया छोरी दिब्या तामाङ घरभित्रै जलेर निधन भएको जिल्ला प्रहरी कार्यालय सिन्धुपाल्चोकका प्रहरी नायब उपरीक्षक दक्षकुमार बस्नेतले बताए । घाइते मीनबहादुरलाई उपचारका लागि राजधानी लगिएको बुझिएको छ । सुरक्षाकर्मी र स्थानीयको सक्रियतामा आगो निभाउने काम भईरहेको प्रहरीले बताएको छ ।
प्रतिक्रिया