धादिङ, ०८ मंसिर ।
त्रिपुरासुन्दरी गाउँपालिका वडा नं २ सल्यानटारमा जारी दोस्रो सल्यानटार कृषि प्रदर्शनी तथा व्यापार मेलामा आज पनि स्थानीय तथा राष्ट्रिय कलाकारहरुको बेजोड प्रस्तुति रहने छ ।
मेलाको आज चौथो दिन आज गायक नवराज काप्री, गायिका सिमा थापा, कमला घिमिरे, जादुगर बलराम सरकार गिरी, बेली डान्सर बन्दना विश्वकर्मा, दिलास डान्स ग्रुपका कलाकारहरुसँगै स्थानीय कलाकारहरुको विशेष प्रस्तुति रहने आयोजकले जनाएको छ ।
हामी सबैको कृषि तथा बहुउद्देश्यीय सहकारी संस्था लिमिटेडको आयोजनामा स्थानिय श्रोतको प्रर्वद्धन गरौं, देश विकासमा टेवा पुुर्याऔं भन्ने मूल मर्मका साथ बुधबारदेखी कृषि प्रदर्शनी तथा व्यापार मेला संचालन भएको हो ।
स्थानीय कृषि उपजहरुलाई प्रर्वद्धन तथा बजारीकरणमा टेवा पुर्याउन र मनोरञ्जन र स्थानीय कला संस्कृतिको जगेर्ना गर्ने उद्देश्यले मेला आयोजना गरिएको हो ।
मंसिर १५ गतेसम्म सञ्चालन हुने महोत्सवमा करिव एक लाख जनाले अवलोकन गर्ने अनुमान गरिएको छ ।