धादिङ ।
जिल्ला भलिबल संघ धादिङद्वारा आयोजित स्व.मनोज श्रेष्ठ स्मृति कप महिला पुरुष-भलिबल प्रतियोगिता आजबाट सुरु भएको छ ।सिद्धलेक गाउँपालिकाका अध्यक्ष परशुराम खतिवडाको प्रमुख आतिथ्यतामा भएको उद्घाटन कार्यक्रमको आजको खेलमा पुरुषतर्फ रूवीभ्यालीले ज्वालामुखी र नेत्रावती डवजोङलाई पराजित गर्दै क्वाटरफाइनल प्रबेश गरेको छ त्यस्तै सिद्धलेकले लिङ्जो रूवी भ्यालीलाई, गंगाजमुनाले नीलकण्ठलाई र सिंगङ खनियावासले त्रिपुरासुन्दरीलाई पराजित गर्दै एक एक खेल जितेका छन् ।
यस्तै महिला तर्फ ज्वालामुखीले त्रिपुरासुन्दरीलाई, सिद्धलेकले भोजकुमारी धुनीबेसीलाई र बेनीघाट रोराङले गल्छीलाई पराजित गर्दै क्वाटरफाइनल प्रवेश गरेका छन् ।पुरुष तर्फ ११ टिम र महिला तर्फ ८ टिम सहभागी यस प्रतियोगिताको विजेता पुरुष तर्फको प्रथम पुरस्कार नगद १ लाख १ हजार १ सय ११, दोस्रो नगद ५५ हजार ५ सय ५५ र सेमिफाइनलमा पुग्ने टिमहरुलाई २०–२० हजार र महिला तर्फ प्रथम पुरस्कार नगद ५५ हजार ५ सय ५५, द्धितीय ३० हजार ३ सय ३० र सेमिफाइनल पुग्ने टिमहरुलाई १५–१५ हजार रहेको छ ।धादिङको गंगाजमुना गाउँपालिका–४, गुम्दी घर भएका धादिङ भलिबल टिमका कप्तान मनोज श्रेष्ठको बि।स।२०८० कात्तिक ९ गते सिद्धलेकको खिर्रेभञ्याङमा आयोजित भलिबल प्रतियोगिताकै समयमा निधन भएको थियो । उनैको सम्झनामा जिल्ला भलिबल संघले यो प्रतियोगिता आयोजना गरिएको हो ।