धादिङ/भदौ २१
बिगत बर्षहरुमा जस्तै यसबर्ष पनि सिद्धलेक गा.पा.१ बैरेनी चोकमा अवस्थित आयाम ईङलिस स्कूलमा हरितालिका तीजको अवसरमा शुभकामना आदानप्रदान तथा नृत्य कार्यक्रम भएको छ ।
हिन्दु नेपाली चेलीहरुको महान पर्व हरितालिका तीजको अवसरमा विद्यार्थीहरुलाई शुभकामना आदान प्रदानसँगै तीजको सांस्कृतिक महत्व दर्शाउन र संस्कारको उजागर गर्न सो कार्यक्रमको आयोजना गरीएको विद्यालयका ब्यबस्थापक ममता अर्यालले जानकारी दिनुभयो ।
सो कार्यक्रममा बिद्यालय सञ्चालक समिति अध्यक्ष एबम् बिद्यालयका डाईरेक्टर बिकास कोईरालाले तिजको महत्वबारे प्रकाश पार्नुभएको थियो । प्रद्यानाध्यापक आश बहादुर गुरुङको सभापतित्वमा सम्पन्न कार्यक्रममा बिद्यालयमा अध्ययरत बिद्यार्थीहरुले तिजबिशेष नृत्य,नाटक,टेक्वान्दो खेल प्रदर्शन गरिएको थियो । साथै बिद्यालयका शिक्षिकाहरुद्धारा आकर्षक नृत्य समेत प्रस्तुत गर्नुभएको थियो ।
