धादिङ/भदौ १९
धादिङमा राष्ट्रसेवक कर्मचारी र पत्रकारविच मैत्रीपूर्ण फुटसल खेल भएको छ । सो खेलमा १०–६ गोलले पत्रकारको समुह विजयी भएका छन् । निजामती सेवा दिवसको अवसरमा बुधबार विहान धादिङबेशीमा रहेको फुटसल एकेडेमीमा पत्रकार र निजामती कर्मचारीबिच भएको मैत्रीपूर्ण फुटसल खेल आपसी सम्बन्ध सुमधुर बनाउने उद्देश्यले आयोजना गरिएको कर्मचारी मिलन केन्द्र धादिङका अध्यक्ष विष्णु प्रसाद आचार्यको भनाई छ । यो फुटसल खेलले राष्ट्रसेवक कर्मचारी र राज्यको चौथो अंग पत्रकारहरुविच अझै सम्बन्ध प्रगाढ बनेको धादिङका प्रमुख जिल्ला अधिकारी राजेन्द्रदेव पाण्डेले बताउनुभयो ।‘भदौ १७ र १८ गते राष्ट्रसेवक कर्मचारीविच व्याडमिन्टन प्रतियोगिता, १८ गते राष्ट्रसेवक महिला कर्मचारीविच फुटसल प्रतियोगता, १९ गते राष्ट्रसेवक कर्मचारी र पत्रकारविच मैत्रीपूर्ण फुटसल प्रतियोगिता सम्पन्न भइ सकेको कर्मचारी मिलन केन्द्र धादिङका अध्यक्ष विष्णु प्रसाद आचार्यले बताउनुभयो । त्यस्तै, भदौ २० गते वृक्षारोपण कार्यक्रम र २२ गते आमाको माया छात्रावासलाई खाद्यान्न तथा स्टेशनरी सामाग्री वितरण गर्ने कार्यक्रम रहेको उहाँले जानकारी दिनुभयो ।