रास्वपाको दोस्रो स्थापना दिवसमा आयोजित कार्यक्रममा ७८ पिन्ट रगत संकलन

धादिङ
राष्ट्रिय स्वतन्त्र पार्टी (रास्वपा)को दोस्रो स्थापना दिवसको अवसरमा धादिङ गजुरीमा आयोजित रक्तदान कार्यक्रममा ७८ पिन्ट रगत संकलन भएको छ ।रास्वपा धादिङकोे आयोजना र नेपाल रेडक्रस सोसाइटी जिल्ला शाखा धादिङको प्राबिधिक सहयोगमा गजुरी बजारमा रक्तदान कार्यक्रम भएको हो । उक्त रक्तदान कार्यक्रममा ७८ पिन्ट रगत संकलन भएको रास्वपा धादिङका जिल्ला संयोजक सूर्यमणी पाठकले जानकारी दिनुभयो । पार्टीको स्थापना दिवसकै अवसरमा विभिन्न ठाउँमा सरसफाई तथा बृक्षरोपण कार्यक्रम पनि भएको थियो । भोलि असार ७ गते पनि बिभिन्न पार्क बिद्यालय तथा सरकारी कार्यालयहरुमा बृक्षरोपण गर्ने कार्यक्रम रहेको उहाँले जानकारी दिनुभयो ।