१४ औं वाका कप तथा दोस्रो अध्यक्ष कप २०८१ फुटबल प्रतियोगिता आजबाट सुरु

धादिङ
१४ औं वाका कप तथा दोस्रो अध्यक्ष कप २०८१ फुटबल प्रतियोगिता आजबाट सुरु भएको छ ।
छार वाका राहा युवा क्लबको आयोजनामा आयोजित फुटबल प्रतियोगिता नेत्रावती डबजोङ गाउँपालिकाका अध्यक्ष मेघनाथ रिजालको प्रमुख अतिथी तथा उपाध्यक्ष सीतामाया चोदेनको बिशेष आतिथ्यतामा उद्घाटन भएको हो।धादिङ र नुवाकोटको सिमाना वाकामा आज भएको उद्घाटन खेलमा माउण्ट एभरेष्ट युवा क्लव नगरकोटले धादिङको खनियाबास युवा क्लवलाई २–० ले पराजित गर्दै विजयी सुरुवात गरेको छ । नगरकोटको जितका लागि जर्सी नम्बर ७७ का युवराज तामाङले दुई गोल गरेका थिए । प्रतियोगितामा नुवाकोट ,धादिङ ,भक्तपुरसहितका जिल्लाबाट कुल ३२ टिमको सहभागिता रहेको क्लबका अध्यक्ष भिम बहादुर तामाङ जङगेंले जानकारी दिनुभयो ।प्रत्येकदिन ४ खेलहरु हुनेछन भने फाइनल खेल २०८१ बैशाख १ गते हुनेछ।प्रतियोगिताको विजयी टिमले नगद रु २ लाख र उपविजेता टिमले नगद रु १ लाख पुरस्कार प्राप्त गर्नेछन् ।