काठमाण्डौ
मार्पाक प्रिमियर लिग फुटसल प्रतियोगिताको १३ औ संस्करण यहि चैत्र १० गते शनिबार काठमाण्डौमा हुने भएको छ ।
नेत्रावती डबजोङ्ग गाउँपालिका ब्यापी फुटसल प्रतियोगिता फ्रेन्डस स्टार फुटसल, भत्केको पुल काठमाण्डौमा हुनेछ भने प्रतियोगिता बिहान ८ बजेबाट शुरु हुनेछ ।गाउँपालिका भित्रका ५ वटै वडाका टिमहरुले सहभागिता जनाउन सक्ने प्रतियोगिताको बिजेताले नगद रु १५ हजार, ट्रफी, मेडल र प्रमाणपत्र साथै उपबिजेताले नगद रु ७ हजार, मेडल र प्रमाणपत्र प्राप्त गर्नेछ त्यसैगरि उत्कृष्ठ गोलकिपर, फरवार्ड र डिफेन्सलाई नगद रु १५०० सहित मेडल र प्रमाणपत्र प्रदान गरिने आयोजकले जनाएको छ ।दर्ता शुल्क रु १५०० रहेको प्रतियोगितामा सहभागी हुने टिमले खेलाडीहरुको नागरिकताको फोटोकपी वा परिचय खुल्ने प्रमाणपत्रको फोटोकपी सहित बुझाईसक्नुपर्ने आयोजकले जानकारी दिनुभयो ।एनफा रेफ्रि द्वारा लिग कम नक आउटको आधारमा संचालन गरिने प्रतियोगिताको आयोजक मार्पाक भेट्रान्स फुटसल टिम र सहआयोजक मार्पाक सामुदायिक क्लब रहेको प्रतियोगिताको मुख्य प्रयोजक नेत्रावती डबजोङ्ग गाउपालिका, धादिङ्ग रहनुको साथै टि.भि. पार्टनरमा दिब्यदर्शन टेलिभिजन,एफ.एम पार्टनरमा निलकण्ठ एफएम साथै अनलाईन मिडिया पार्टनरहरुमा जन अपडेट, धादिङ्ग सञ्चार, धादिङ्ग पोष्ट र भिजन न्युज नेपाल रहेको संयोजक फणिन्द्र गुरुङ्गले जानकारी दिनुभयो ।