धादिङ ।
धादिङको बेनीघाट रोराङ गाउँपालिकाले प्राविधिक धारमा उच्चशिक्षामा अध्ययनरत ३१ जना विद्यार्थीलाई छात्रवृत्ति वितरण गरेको छ ।
बिभिन्न बिषयगत रुपमा क्रमशः एमबिबिएस पढ्नेलाई ५० हजार, ईन्जिनियर पढ्नेलाई ३० हजार र अन्य प्राबिधिक क्षेत्रमा अध्ययरतलाई २० हजार गरी जम्मा ६ लाख ९० हजार छात्रवृत्ति बितरण गरिएको शिक्षा अधिकृत बोधराज पाठकले जानकारी दिनुभयो । ३१ जना बिद्यार्थीमध्ये २० हजार पाउनेमा २८ जना, ३० हजार पाउनेमा १ जना र ५० हजार छात्रवृत्ति पाउनेमा २ जना रहेका छन् ।
बेनीघाट रोराङ स्थायी घरभई आर्थिक रुपमा विपन्न तथा सिमान्तकृत समुदायका विद्यार्थीलाई गुणस्तरीय शिक्षा सुनिश्चितताका लागि पहिलो चरणमा ३१ जनालाई प्राबिधिक शिक्षा छात्रवृत्ति प्रदान गरिएको पालिका अध्यक्ष कृष्णबहादुर थपलिया (विवेक)ले बताउनुभएको छ ।
प्रतिक्रिया