सिन्धुली,वैशाख १६ । सिन्धुलीमा जीप दुर्घटनामा तीन जनाको ज्यान गुमाएका छन् ।
सिन्धुलीको तिनपाटन गाउँपालिका ५ नक्कलेमा बागमती प्रदेश–०१–०२६ च–०४५६ नम्बरको बोलेरो जीप दुर्घटना भएको हो । दुर्घटनामा तीन जनाको घटनास्थलमै मृत्यु भएको छ भने केही घाइते भएका छन् । घाइतेको संख्या भने अहिलसम्म एकिन भएको छैन । जिल्ला प्रहरी कार्यालय सिन्धुलीका प्रहरी नायव उपरिक्षक मनोज लामाका अनुसार घटनास्थलमा स्थानीय र प्रहरीले उद्धार गरिरहेका छन् ।
स्थानीय रुपा लुंगेलीसहित अन्य दुई पुरुषको घटनास्थलमै मृत्यु भएको स्थानीय तथा नेकपा एमालेका नेता शंकर कार्कीको भनाई छ । सिन्धुली–चकमके सडकको भित्री सडक खण्डमा खाद्यान्न तथा तरकारी बोकेको बोलेरो जीप दुर्घटना भएको हो । दुर्घटनाको थप विवरण आउन बाकी छ ।
प्रतिक्रिया